TOÑO CEA, EL JIYU DE LOS DE LAS MIMOSAS

Mis personajes favoritos (Nº 147).

Antonio Cea Gutiérrez (Santander, 1944), que trabayó 30 años nel departamentu d’ Antropología del Conseju Superior d' Investigaciones Científicas de Madrí (la mitá d’ esi tiempu al láu de Julio Caro Baroja), añora los días de su infancia, cuando, asomáu al corredor de la casería de Bolao en la que vivían los sus güelos maternos, Isabel y Jesús, saboreaba con fascinación la guapura del paisaje y las tradiciones del Valle de Mijares.
Los sus padres, Antonio Cea Gutiérrez y Hortensia Gutiérrez Amieva, lu trajeron a vivir a aquella casería, que tá entre Soberrón y La Pereda (y que era de la familia Posada Miranda), cuando él tenía 5 años. El lugar se conoz como "Las Mimosas".
Toño (o Tonín, como i-dicen en Parres) llegó a conocelo todo al milímetru, incluidos los trinos de cada pájaru y los sitios onde nacía cada jelechu. Allendando las vacas, la su güela i-cantaba cosas como éstas:

"Cuquiellu, patas de restiellu,
¿de quí a cuantos años será el mío entierru?”
"Cuquiellu, patas de restriellu, rabu d' escoba,
¿de quí a cuántos años será mío boda?”

Toño vien de Madrí cuando puede pa jacer de maestru de ceremonias en las romerías de La Pereda y Parres. É el mayor expertu que hay en el conocimientu y mantenimientu de los nuestros rituales festivos (ya de críu, lo que veía en las fiestas por la mañana lo teatralizaba en casa a solas por la tarde).
Tuvo en sus padres y güelos los mejores maestros que se podía tener pa saber de verdá las tradiciones llaniscas: la Misa de gaita, las procesiones con Ramu y aldeanas y la interpretación de las danzas. Cuando en los años 70 se formó el míticu Cuartetu Cea (integráu por Antonio y Hortensia y los dos jiyos, Toño y Gema), toda su labor daría lugar a la grabación de tres discos clave ("Misa asturiana de gaita y otras canciones religiosas", "La canción del mar" y "Ritos al árbol, al agua y al fuegu"), y también a la publicación del libru "La Canción en Llanes" (que escribió Toño pa explicar el significáu de los tres discos) y a la recuperación del Pericote en su esencia (sin gaita, cantáu, simplemente con l’ acompañamientu de tambor y pandereta, y con una sola triada de bailadores en acción). É decir, el "Pericote antiguu".